Aschehougs debutantstipend til Therese Tungen

Tungen skriv om menneske som på ulike vis møter noko nytt og ukjent i liva sine i novellesamlinga Ein gong var dei ulvar. Ho utforskar kva som skjer når uventa ting skjer i livene til folk. Korleis skal ein fortsette når alt rundt ein endrar form? Kva gjer til dømes tre ungar åleine i ei leiligheit midt i jula, mor er borte og straumen forsvinn?

Tungen debuterte i februar 2017 med novellesamlinga Ein gong var dei ulvar. Ei stilsikker samling med seks noveller som viser eit breitt register.

Møt debutant Therese Tungen

Den første novella, «Flaumen», startar slik: «Det hadde regna og tora i ti dagar. Husa rundt hans stod tome og mørke, og fukta la seg som eit lag på huda og gjorde det tungt å puste.» Denne uroa vi finn her pregar heile samlinga.

Last ned Flaumen gratis her

Store ting i en liten tekst. Therese Tungen i samtale med Roskva Koritzinsky og Thorbjørn Harr.

Novellesamlinga er ført i eit medrivande og sikkert språk, med karakterar som får eige liv og som raskt tar grep om lesaren.

Novellesamlinga fekk svært mange og positive meldingar. Brynjulf Jung Tjønn i VG omtalte novellene som «superaktuelle og skakande». «I Therese Tungens glimrende debut følger vi folk i ekstreme livssituasjoner. … Tankene i hjerner der det kognitive truer med å svikte, er skrevet med et språk så friksjonsfritt og levende at jeg føler at det er mine egne tanker jeg leser.», skrev Bjørn Hatterud i Hamar Arbeiderblad.

Disse novellene er et velkomment, voksent og stilsikkert bidrag til norsk novellekunst. Et par av dem er på høyde med våre aller beste.
Janneken Øverland, Klassekampen

Ein gong var dei ulvar er óg nominert til Ungdommens kritikerpris 2017.

Therese Tungen (født i 1977) kjem frå Kvam i Gudbrandsdalen og bur i Oslo. Ho jobbar som forlagsredaktør for dokumentarlitteratur i Samlaget, og har vore litteraturanmeldar i Morgenbladet og Klassekampen. Ho har gått på forfattarstudiet i Bø og på Aschehougs forfattarskule.